Rusiyadan nümunə götürmək cəhdlərini yersiz sayan Məleykə Abbaszadə deyib ki, hələ ki, buraxılış imtahanları çox sadə formada aparılır, sualların 70 faizi 7-ci sinfə qədəri əhatə edir: “Ona görə də buraxılış və ali məktəblərə qəbul imtahanlarının birləşdirilməsinin indi gündəmə gəlməsi düzgün deyil. Orta məktəbdə təhsilin səviyyəsinin yüksəldilməsi üçün addımlar atılır. Mərhələ-mərhələ elə səviyyəyə gəlib çata bilərik ki, müəyyən ixtisaslara attestat təqdim etməklə ali məktəbə qəbul mümkün ola bilər. Ən azı 5 ildən sonra bu, mümkün olar. Ancaq elə ixtisaslar, ali məktəblər olacaq ki, ora qəbul imtahanla olacaq”.
Məleykə Abbaszadə deyib ki, hazırda yalnız Ukraynada attestat təqdim etməklə ali məktəblərə qəbul mümkündür: “Elə ölkələr var ki, ali məktəblər var, oxumaq istəyənlər yoxdur. Ona görə də kənar ölkələrdən qəbula çalışırlar. Ukraynaya elə ali məktəblərə gedəndə valideynlər fikirləşməlidirlər ki, övladlarını nə üçün ora göndərirlər. Hansısa məktəbdən diplom almaq, yoxsa övladının mütəxəssis kimi yetişməsi üçün. Bu, təhsil sahəsində turizmdir”.
Комментариев нет:
Отправить комментарий