Tələbə Qəbulu üzrə Dövlət Komissiyası (TQDK) orta məktəblərdə istifadə edilən 7-ci sinif dərslikləri ilə bağlı aparılan monitorinqlərin nəticələrini açıqlayıb.
Publika.Az-ın verdiyi xəbərə görə, bu barədə TQDK-nın rəsmi saytında məlumat yerləşdirilib
Monitorinqin nəticələrinə əsasən, 7-ci siniflər üzrə 19 dərsliklə bağlı yekun rəylər hazırlanıb.
TQDK-nın ekspertləri dərsliklərin dizayn, bədii tərtibat, məzmun, dil və üslub baxımından xətalarını qeyd ediblər.
Yekun rəylərdə 7-ci sinif üzrə hansısa dərsliklərin istifadəsinin məqsədə uyğun olmaması barədə hər hansı qeyd öz əksini tapmayıb.
Respublikanın ümumtəhsil məktəblərinin 7-ci sinifləri üçün bütün dərsliklərlə bağlı TQDK-ya daxil olmuş və seminarda müzakirə nəticəsində bildirilmiş iradlar, təkliflər və qeydlər nəzərə alınmaqla formalaşmış yekun rəyi əsas tutaraq ekspert şurası qərara alıb ki, yekun rəydə göstərilənlər nəzərə alınmaqla, respublikanın ümumtəhsil məktəblərində istifadəsi məqsədəuyğun hesab edilir. Yeni hazırlanacaq dərslikdə bu dərslikdəki materiallardan istifadə olunarsa, yekun rəydə göstərilən irad və təkliflərin nəzərə alınması tövsiyə olunur. 7-ci sinif dərslikləri ilə bağlı yekun rəy iyunun 24-də Təhsil Nazirliyinə göndərilib.
Dərsliyin forzas səhifəsində Dövlət Himni “Azərbaycan Respublikasının Dövlət Himni haqqında” 1992-ci il 27 may tarixli Qanununun tələblərinə uyğun çap olunmayıb. Himnin adı (“Azərbaycan marşı”) ixtisar olunub. Həmçinin forzas səhifəsində Dövlət Gerbinin rəngli təsviri “Dövlət Gerbi haqqında Əsasnamə”nin təsdiq edilməsi barəsində Azərbaycan Respublikasının 1993-cü il 23 fevral tarixli Qanununun tələblərinə uyğun çap olunmayıb.
Yekunda qeyd olunur ki, dərslik qüvvədə olan tədris proqramını tam əhatə edir və şagirdlərin fənn üzrə bilik və bacarıqlarının formalaşdırılmasına imkan verir.
Комментариев нет:
Отправить комментарий